నమ్మకాలు ఒక్కొక్కరికి ఒక్కో విధంగా ఉంటాయ్ ఉదాహరణకి కొందరు ప్రతి రోజు చేసే పనులనే పరికించి చూస్తె ఒక్కోసారి ఈ విధంగానే ఎందుకు చేయాలి? మరోలా చెయ్యొచ్చు కదా అనిపిస్తూంటది …. మొన్నీమధ్య మాటల్లో నమ్మకాలు (మూడనమ్మకాలు కాదులెండి) గురించి చిన్నపాటి చర్చ జరిగింది. మా మిత్రుడు ఈ మధ్య ఆన్ సైట్ మీద దుబాయ్ వచ్చాడు. తను చిన్నప్పటి నుండి చాల నమ్మకాలు పెంచేసేసుకున్నాడట, ఇప్పుడు వదలాలన్న వదళ్లేక పోతున్నానని వాపోయాడు. ఎలాంటివంటే తను పదో తరగతి లో ఉన్నపుడు మొదటి పరీక్ష ఎలా రెడీ అయ్యి, ఎలా వెళ్ళాడో మిగతా అన్ని పరీక్షలకు అలా నే తయారయ్ వెళ్లేవాడట.
ఇక్కడ రెడీ మరియు ఎలా అన్నవి ఒక్కసారి ఎర్ర ఇంకుతో కింద గిర్ర గీసుకోండి … ఎందుకంటే మొదటి సారి తోలి పరీక్ష చాల బాగా వెళగ పెట్టాడట. అప్పటినుండి ఆ రోజు ఎలా లేచాడో, ప్రొద్దున పక్క మీద నుండి అలానే లేవడం, జుట్టు ఎటువైపు కు దువ్వి ఉంటే అటువైపే దువ్వడం, ఒకవేళ శోభన్బాబు రింగు ఉంటే, రింగు పెట్టుకోవడం. ఇంట్లో నుండి బయటకు ఎలా వచ్చాడో అలానే రావడం, వీది సందులో ఎలా మలుపు తిరిగాడో అలానే తిరగడం, అక్కడ మూల గుడి ఉంటే గుడికి వెళ్తూ వెళ్తూ నే ఓ దండం పెట్టేయడం .. రెండో రోజో మూడో రోజో అన్నో, నాన్నో పాఠశాల దగ్గర దింపుతామన్నా అవసరం లేదు నేనే వెళతాను ఆలస్యం అయినా పర్లేదుట. ఎవ్వరైనా దింపితే రోజూ చేసేవి చెయ్యలేడు కదా మరి. ఇలా ఒక్కటి కాదండి బాబు చాల చెప్పాడు అవన్నీ చెప్ప్పాలంటే ఈ బ్లాగ్ ను మీరు తిట్టిన తిట్టు తిట్టకుండా ఉండరు ……
చివరాఖరికి తన సంశయం ఏమిటంటే ఆన్ సైట్ ప్రాజెక్ట్ మొదటి రోజు ఎలా వచ్చాడో అలా వెళ్లడానికి ఇక్కడ హైదరాబాద్ రోడ్డు అమీర్పేట సందు లేవట (ఓసోస్ నాకు తెలుసు మీరు మొదటి రోజు దుబాయ్ లోనే కదా వెళ్ళేది అంటారు మీరు కాళ్ళో పప్పేసారు సారి పప్పులో కాలేసారు. తనకు ప్రాజెక్ట్ అప్పగించే రోజు హైదరాబాద్ లో ఎలా వెళ్ళాడో అలా… …. వీడి బెంగ దుబాయ్ ట్రాఫిక్ లో తోయ్యా.
దిన్నిపాటి 